Йăлана кĕнĕ йĕркепе, чÿк уйăхĕн юлашки вырсарни кунĕнче пĕтĕм Раççей аннесен кунне паллă тăвать.                                                                                                                   Апакасси шкулĕнче вĕренекен кĕçĕн класс ачисем те хăйсен амăшĕсене уява чĕнчĕç. Каланă вăхăта амăшĕсем пуçтарăнчĕç.  Уяв пуçланчĕ.  Ачасем анне çинчен сăвăсем вуларĕç, юрăсем юрларĕç, сценкăсем лартрĕç. Виççĕмĕш класс ачисем хаваслă ташăпа куракансене савăнтарчĕç.                                                 Ачасене хатĕрлес ĕçе класс ертÿçисем: Пермякова Ольга Александровна, Семёнова Любовь Вениаминовна, Леонтьева Надежда Васильевна, нумай вăй хучĕç.                                                                                                                                      Уяв вĕçĕнче ачасем амăшĕсене хăйсен аллипе тунă парнесем пачĕç. Уяв пурне те килĕшрĕ. Çакăн хыççăн пурте Культура çуртне уява малалла тăсма кайрĕç.